काठमाडौं-इंग्लिस क्लब लिभरपुलका पोर्चुगिज स्टार फरवार्ड डियोगो जोटाको कार दुर्घटनामा निधन भएको छ। स्पेनको जमोरा प्रान्तमा भएको सो दुर्घटनामा जोटाको ज्यान गएको समाचार संस्था मार्काले जनाएको हाे ।
२८ वर्षीय जोटा पोर्चुगलका राष्ट्रिय खेलाडी समेत हुन् र इंग्लिस प्रिमियर लिग क्लब लिभरपुलबाट खेल्दै आएका थिए। दुर्घटनाको विस्तृत विवरण आउन बाँकी रहे पनि प्रारम्भिक जानकारीअनुसार गाडी अनियन्त्रित भइ दुर्घटना भएको बताइएको छ।
कारमा उनी उनका भाइसँगै थिए । दुवैको निधन भएको छ । रिपोर्टअनुसार कार दुर्घटनापछि आगो लागेको थियो । जोटाको केही दिनअघि मात्र विवाह भएको थियो । जोटाले गत सिजन लिभरपुलबाट प्रिमियर लिग फुटबलको उपाधि जितेका थिए भने गत महिना पोर्चुगलका लागि यूईएफए नेसन्स लिग फुटबलको पनि उपाधि जितेका थिए ।
यो खबरले फुटबल जगतमा गहिरो शोक छाएको छ।
-1752335779.jpg)
