काठमाडौं -आरोहण सञ्चालक संघ नेपालले सगरमाथा र माउन्ट ल्होत्से वसन्त २०२४ को डोरी टांग्ने (रोप फिक्सिङ) टोलीलाई प्रशंसा प्रमाण-पत्र प्रदान गरेको छ । आरोहण सञ्चालक संघ नेपालले काठमाडौंको मनास्लु होटलमा गरेको एक कार्यक्रममा हिमालमा डोरी टांग्नेलाई संस्कृति, पर्यटन तथा नागरिक उड्ययन मन्त्री हित बहादुर तामाङले आरोही टिमलाई शुक्रबार सम्मान गरेका हुन् ।
सगरमाथाको क्याम्प–२ देखि सगरमाथाको चुचुरो सम्मको "रोप फिक्सिङ’"टिम लिडर देन्डी शेर्पासहित १० जनाको टिमले गरेका थिए। पर्यटन मन्त्री हितबहादुर तामाङले पर्वतारोहणका लागि गरेको योगदान निकै सहारिनय भएको बताए । "पर्यटन दृस्तिले हिमाल वरदान हो र यो पेशा विदेशी मुद्रा आयआर्जनको मुख्य स्रोत हो।सिप र कला चाहिने भएकाले विशेष हिमाली जाति बसोबास गर्ने शेर्पाको बढी लगाव भएको हो।"उनले भने । विश्व तापक्रमका कारण हिमताल फुट्ने हिमाल पग्लिने भएकाले चुनौति बढेकाले हिमाली बसोबास जोगाउनका लागि आग्रह गरे ।
'आरोअण सुरक्षा र हिमाल सरसफाइ गर्न पर्यटन बोर्ड लागि परेको छ 'उनले भने ।उनका अनुसार हिमाल आरोहणका क्रममा गैरकानुनी काम गरे मन्त्रालयले कारबाही गर्ने चेतवानी दिएका छन् ।हिमाल र पर्वतारोहणका बारेमा गलत सुचना प्रवाह तिब्र गतिमा फैलाउन समाजिक संजालको दुरुप्रयोग गरेकाले यसमा सचेत रहन सबैलाइ उनले आग्रह गरे ।
वसन्त ऋतु २०२४ मा ८,५१६० मिटर अग्लो ल्होत्से हिमाल आरोहणको लागि बाटो खोल्ने तथा डोरी टाग्ने जिम्मा सेभेन समिट ट्रेक्स कम्पनीले पाएको थियो ।उक्त टोलीहरुमा देन्डी शेर्पा, नामगेल दोर्जी तामाङ, पेम्बा टासी शेर्पा, दावा शेर्पा, तेन्जिङ ग्याल्जेन शेर्पा, पम दर्जी शेर्पा, टासी शेर्पा रहेका छन् ।
वसन्त ऋतु २०२४ मा ८८४८.८४ मिटर अग्लो सगरमाथा हिमाल आरोहणको लागि बाटो खोल्ने तथा डोरी टाग्ने टोलीहरु देन्डी शेर्पा, नरंगेल दोर्जी तामाङ, पेम्बा टासी शेर्पा, दावा शेर्पा, सुकु बहादुर तामाङ, लक्पा रिन्जी शेर्पा, तेन्जिङ ग्याल्जेन शेर्पा, पाम दोर्जी शेर्पा, दावा रिन्जी शेर्पा, लाक्पा थिन्दुक शेर्पा रहेका छन् ।
त्यस्तै, चोयु हिमाल नेपालतर्फबाट सात जनाको टोलीले यही जुनको ७ तारिखका दिन नयाँ रुट बनाउँदै पहिलो पटक सफल आरोहण गरेको हो । आरोहण टोलीमा गेल्जे शेर्पा, तेन्जिङ ग्याल्जेन शेर्पा, छान्वा शेर्पा, लक्पा तेम्बा शेर्पा, लाक्पा तेन्जी शेर्पा, ङ्गिमा ओङ्डा शेर्पा रहेका छन् ।
कीर्तिमानी फुञ्जोलाई पनि सम्मान
विश्वको सर्वोच्च शिखर सगरमाथा १४ घण्टा ३१ मिनेटमा आरोहण गरेर नयाँ कीर्तिमान कायम गर्न सफल फुञ्जो लामासहित तीन जनालाई आरोहण सञ्चालक संघले संस्कृति, पर्यटन तथा नागरिक उड्ययन मन्त्री हितबहादुर तामाङको हातबाट प्रमाण–पत्र प्रदान गरि सम्मानित गरको हो ।
दावा फिन्जोक शेर्पाले सगरमाथाको आठ दिन १३ घण्टा १९ मिनेटमा तीन पटक सफल आरोहण गरी कीर्तिमान कायम गरेका थिए । त्यस्तै, फोटो पत्रकार तथा आरोही पूर्णिमा श्रेष्ठले एउटै याममा तीन पटक सगरमाथाको आरोहण गरेर विश्व किर्तिमान कायम गरेकी
थिइन् । 
-1755862759.jpeg)
