काठमाडाैं - अमेरिका तथा युरोपको पर्यटन बजारलाई लक्षित गर्दै स्टेलर इन्फुयन्सर मार्केटिङ क्याम्पेन अन्र्तगत विभिन्न देशका इन्फुयन्सरहरुलाई नेपालका हाई ईण्ड टुरिस्ट डेस्टिनेसनहरूको अवलोकन भ्रमण गरेका छ । नेपाल पर्यटन बोर्ड र युएसएड नेपालको सहकार्यमा मार्च २३ देखि अप्रिल २ सम्म नेपालमा स्टेलर इन्फुयन्सर मार्केटिङ क्याम्पेन आयोजना गरेको हाे ।
क्याम्पेन अन्तर्गत अमेरिका, बेलायत , क्यानडा, नर्वे तथा भारत जस्ता देशका सोसल मिडिया इन्फ्लुएन्सरहरूलाई यस भ्रमणमा सहभागी रहेका थिए ।इन्फ्लुएन्सरहरूले यस क्याम्पेन अन्तर्गत नेपालका पूर्व देखि पश्चिमका विभिन्न पर्यटकीय गन्तव्य तथा पर्यटकीय गतिविधिमा भाग लिएका थिए । पहिलो चरणमा उनीहरूले काठमाडौँ उपत्यकाका सम्पदा क्षेत्रभित्र तन्त्र हेरिटेज वाकमा सहभागी भए भने फागु पूर्णीमाको अवसरमा वसन्तपुरमा आयोजित रङ्गोत्सव कार्यक्रमको अनुभव गर्दै नेपाली मौलिक सांस्कृतिक कार्यक्रममा सहभागी भएका थिए ।
दोस्रो चरणमा उनीहरुले कोशी प्रदेशको मध्य पहाडी पर्यटकीय गन्तव्य इलामको भ्रमण गरेका छन् । त्यहाँ उनीहरूले चिया पर्यटन अन्तर्गत नेपालमा उत्पादित विभिन्न प्रकारका चिया बनाउने तरिकाको बारेमा अवलोकन गरे । त्यसैगरी उनीहरूले स्थानीय चिज फ्याक्ट्रीको समेत अवलोकन गर्दै होमस्टेमा बनाइएका विभिन्न मौलिक परिकारहरूको समेत स्वाद लिए ।
यस्तै उनीहरू प्रकृतिमा आधारित पर्यटन अन्तर्गत वाइल्ड लाइफको लागि बर्दिया र नेपालको साहसिक पर्यटनको अनुभव लिन पोखरा तथा पर्वतको कुस्माका विभिन्न साहसिक पर्यटकिय क्रियाकलापहरूमा सहभागी भएका थिए । सहभागीहरुले नेपालका ऐतिहासिक सम्पदा, स्थानीय खाना, फरक फरक संस्कृति तथा प्राकृतिक सौन्दर्यता विश्वमै अनुपम भएको प्रतिक्रिया दिएका छन् ।
नेपालका हरेक अनुभवहरूलाई उनीहरूले आआफ्ना सोसल मिडियामार्फत पोस्ट गरिरहेका इन्फुयन्सरहरुले नेपालको प्राकृतिक सौन्दर्य र यहाँको जनवीवन कला संस्कृति र पछिल्लो समय बनिरहेका पर्यटकीय पूर्वाधारले नेपालमा हाई ईण्ड टुरिजमको व्यापक सम्भावना रहको समेत बताए ।
-1752335779.jpg)
