ललितपुर – पाटन संयुक्त क्याम्पसमा विगतका वर्षहरुमा जस्तै यस वर्ष पनि पाटन मल्टिपल क्याम्पस स्पोर्टस क्लब (पिएमसी) ले फुटबल (महिला, पुरुष), क्रिकेट (पुरुष), ब्याडमिन्टन (महिला) र भलिबल (महिला, पुरुष) खेलहरुको प्रतियोगिता आयोजना गरी सफलतापुर्वक सम्पन्न गरेको छ । क्लबका पूर्व अध्यक्ष संजय आचार्य र पूर्व उपाध्यक्ष रूपक सिलवाल, सचिव समीर बिष्ट, लगायतले मिलेर आयोजना गर्दै आइरहेको खेलकुदका कार्यक्रमलाई निरन्तरता दिँदै यस वर्ष पिएमसी स्पोर्टस क्लबका अध्यक्ष युवराज लामाको नेतृत्वमा सबै कार्यक्रम सफलतापुर्वक सम्पन्न भएको छ । ११ गते आइतबार यस क्लबद्वारा आयोजित खेलकुद कार्यक्रमको पुरस्कार वितरण कार्यक्रम नेपाल तरूण दलका अध्यक्ष जितजंग बस्नेतको प्रमुख आतिथ्यतामा सफलतापुर्वक सम्पन्न भएको छ । कार्यक्रम पन्ध्र दिन सफलतापुर्वक चलाउन क्लबका नयाँ अध्यक्ष युवराज लामा सफल भएका छन् ।
उक्त कार्यक्रममा क्याम्पस प्रमुख योगेन्द्र शाहले पुरस्कार वितरण गरेका थिए । सबै खेलका पहिलो हुने समुहलाई नगद रू ५०००।– र दोस्रो हुने समुहलाई नगद रू २५००।– तथा मेडल र कप प्रदान गरिएको थियो । साथै ब्याडमिन्टनमा पहिलो हुने खेलाडीलाई नगद रू १०००।– तथा दोस्रो हुने खेलाडीलाई नगद रू ५००।– प्रदान गरिएको थियो ।
-1745656903.jpeg)