काठमाडौं– एसिया कपमा पहिलोपटक सहभागी नेपालको यात्रा समूहचरणबाटै टुंगिएको छ । सोमबार दोस्रो खेलमा भारतसँग १० विकेटको पराजय बेहोरेसँगै नेपाल प्रतियोगिताबाट बाहिरिएको हो । पहिलो खेलमा नेपाल पाकिस्तानसँग पराजित भएको थियो । प्रतियोगिताबाट बाहिरिए पनि नेपाली टोलीको प्रदर्शनले क्रिकेटप्रेमीको मन जित्न सफल भएको छ । विशेषगरी भारतसँगको खेलमा नेपालले सुधारिएको खेल प्रदर्शन ग¥यो, जसले हारलाई नै बिर्साउने काम गरेको छ । नेपाली ब्याट्सम्यानहरूको बहादुरीपूर्ण ब्याटिङका साथ भारतविरुद्ध नेपालले उत्कृष्ट क्रिकेट खेलेको हो । पहिलोपटक एसिया कपमा सहभागी भएको नेपालले विश्वकै क्रिकेट महारथी मानिएको भारतसँगको पहिलो खेलमा उत्कृष्ट क्रिकेट खेल्दै पहिलो एसिया कपको सहभागिता सार्थक तुल्याएको छ ।
नेपालले ४८.२ ओभरमा २३० रन बनाउँदा आप्mना सबै विकेट गुमाएपछि भारतलाई जितका लागि २३१ रनको लक्ष्य प्रस्तुत गरेको थियो । नेपालले दिएको २३१ रनको लक्ष्य पछ्याउने क्रममा ब्याटिङ सुरु गरेको भारतले २.१ओभर खेल्दा वर्षाका कारण खेल रोकिएको थियो । वर्षाले लामो समय अवरुद्ध पारेपछि खेल २३ ओभरमा छोट्याइयो । त्यसपछि भारतले १४५ रनको नयाँ लक्ष्य पाएको थियो ।उक्त लक्ष्य भारतले २०.१ ओभरमा विनाकुनै विकेट पूरा गर्दै एसिया कपको सुपर–४मा प्रवेश ग¥यो भने नेपाल प्रतियोगिताबाट बाहिरियो । वर्षाले खेल रोकिनुअघिदेखि नै उत्कृष्ट ब्याटिङ सुरु गरेका भारतीय ओपनरद्वय कप्तान रोहित शर्मा र शुभमन गिलले त्यसलाई निरन्तरता दिँदै भारतलाई जित दिलाए । भारतका दुवै ओपनरले अर्धशतक बनाएका थिए ।
भारतीय कप्तान रोहितले ७४ र गिलले ६७ रनको योगदान गरे । नेपालका सन्दीप लामिछाने महँगो सावित भए । उनले पहिलो चार ओभरमा ३९ रन दिएका थिए । त्यस्तै करण केसीले चार ओभरमा २६ रन दिए । ललितनारायण राजवंशीले चार ओभरमा २४ रन दिए । त्यस्तै नेपालका लागि सोमपाल कामीले दुई, कुशल मल्लले तीन, दीपेन्द्रसिंह ऐरीले दुई र गुल्सन झाले एक ओभर बलिङ गरेका थिए । त्यसअघि टस हारेर पहिले ब्याटिङ गरेको नेपालका लागि ओपनर ब्याट्सम्यानद्वय कुशल भुर्तेल र आशिफ शेषले भारतविरुद्ध उत्कृष्ट सुरुआत गरेका थिए । कुशलले दुई छक्का र चार चौकासहित २५ बलमा विस्फोटक ३८ रन बनाएका थिए भने आशिफ शेखले उत्कृष्ट ब्याटिङ गर्दै ५८ रनको अर्धशतकीय पारी
खेले । यी दुईले ९.५ ओभरमा ६५ रनको साझेदारी गर्दै पहिलो पावरप्लेमा भारतीय बलरहरूलाई दबाबमा राखेका थिए । तर, ९.५ ओभरमा कुशल आउट भएपछि नेपालले यो लयलाई अन्त्यसम्म कायम राख्न सकेन । यससँगै
कुशल एकदिवसीय क्रिकेटमा एक हजार रन पूरा गर्ने अर्का नेपाली खेलाडीसमेत बनेका छन् । नेपाली टिमको खातामा दीपेन्द्रसिंह ऐरीले २९ रन थपे । १४४– ६ को अवस्थामा नेपालको स्कोरबोर्ड रहँदा दीपेन्द्रले सोमपाल कामीसँग ५० रनका े साझदे ारी गर्द ै नललाई सम्मानजनक योगफलसम्म डो¥याएका थिए । सोमपाल कामीले ५६ बलमा एक चौका र दुई छक्कासहित ४८ रन जोडेका थिए । उनी अर्धशतकबाट दुई रनले चुके । सोमपाल र सन्दीपबीच ३४ रनको साझेदारी भएको थियो ।
सोमपाल आउट भएपछि नेपालले लगातार विकेट गुमाउँदै २३१ रनमा समेटिएको हो । त्यस्तै गुल्सन झाले ३५ बलमा तीन चौकासहित २३ रन थपे । नेपालका अन्य ब्याटरको प्रदर्शन भने उल्लेखनीय रहेन । आरिफशेखको स्थानमा मौका पाएका भीमले पनि टिमको खातामा सात रन बनाए भने सन्दीप लामिछानेले नौ रन बनाए । कप्तान रोहित पौडेल पाँच रनमाआउट ह कशु ल मल्ल दुई रनर ललितनारायण राजवंशी शून्यमै आउट हुँदा करण कसे दुई रनमा अविजित रहे ।
भारतका रविन्द्र जडेजा र मोहम्मद सिराजले समान तीन विकेट लिए । हार्दिक पन्ड्या, शार्दूल ठाकुर र मोहम्मद सामीले समान एक विकेट लिए । प्रतियोगिताको पहिलो खेलमा नेपाल पाकिस्तानसँग २३८ रनले पराजित भएको थियो । भारत र पाकिस्तानबीचको खेल वर्षाका कारण रद्द हुँदा अंक बाँडेका थिए । यो समूहबाट पाकिस्तान र सुपर–४ मा पुगेका छन् । नेपाल प्रतियोगिताबाट बाहिरिए पनि विश्व क्रिकेटमाझ उत्कृष्ट छाप छोड्न सफल भएको
विश्लेषकहरूको भनाइ छ ।
राष्ट्रपतिदेखि रविसम्मको साथ
विश्व क्रिकेटका महारथीमध्येको एउटा देश भारतविरुद्ध नेपाली क्रिकेट टिमले एसिया कप क्रिकेटमा निकै सुधारिएको प्रदर्शन गरेपछि देशवासी उत्साहित छन् । खेलकुदमध्ये विश्वमा नेपालको पहिचान थप विस्तार गर्न सफल एउटैमात्र खेल क्रिकेट हो । यही खेलप्रति नेपालीहरूको क्रेज अधिक बढेको देखिएको छ । अझ सोमबार भारतविरुद्धको प्रदर्शनले त नेपालीहरू थप उत्साहित छन् ।
पहिलोपटक एसिया कप खेलेको नेपाललाई राष्ट्रपतिदेखि आमनेपालीको साथ रह्यो । जित वा हारलाई भन्दा पनि विश्व वरीयतामा शीर्षस्थानको पाकिस्तान र तेस्रो स्थानमा रहेको भारतसँग खेल्न पाउनु नै नेपालका लागि महŒवपूर्ण अवसर बन्यो । यो अवसरले सम्पूर्ण नेपाली क्रिकेटप्रेमीलाई उत्साहित बनाएको हो ।
राष्ट्रपति रामचन्द्र पौडेलले नेपालको दुवै खेल हेरेर नेपाली क्रिकेट टोलीलाई हौसला प्रदान गरे । राष्ट्रपतिको सचिवालयले जनाएअनुसार उनले भारतविरुद्धको खेल शितलनिवासमै बसेर हेरे । पत्नी सविताका साथ गत बुधबार पनि पाकिस्तानविरुद्ध नेपालको खेल रुचिपूर्वक हेरेका थिए । यसले राष्ट्रपति पौडेलको क्रिकेटप्रतिको क्रेज अगाध रहेको प्रस्टिने क्रिकेटप्रेमीहरूको मत छ ।
प्रधानमन्त्री पुष्पकमल दाहालले रोहित पौडेलले कप्तानी रहेको नेपाली क्रिकेट टिमलाई ‘भर्चुअल’ माध्यमबाट कुराकानी गर्दै पाकिस्तानसँगको प्रतिस्पर्र्धाअघि हौसला बढाएका थिए । उनले भनेका थिए, ‘तपाईंहरूको साथमा सिंगो देश छ ।’क्रिकेटका बलियो टेस्ट मान्यताप्राप्त दुई महारथीमध्येका देशहरू भारत–पाकिस्तानसँग प्रतिस्पर्धा गर्नुलाई नेपाली क्रिकेटका समर्थकहरू नेपालका लागि ऐतिहासिक अवसर मान्छन् । हुन पनि नेपालले एसियन क्रिकेट प्रतियोगितामा प्रतिस्पर्धा गरेको यो पहिलोपटक हो । छनोट भने यसअघि पनि भएको थियो । तर, खेल्न पाएको थिएन । कारक, भारत–पाकिस्तानको द्वन्द्व बनेको थियो । बल्लबल्ल एसियन कप खेलेपछि नेपाली समर्थकहरूको क्रिकेट क्रेज थप छरपस्ट भएको हो ।
पूर्वप्रधानमन्त्री केपी शर्मा ओलीले त सोमबार नेपाल–भारतबीचको खेल हेर्दै अनुमानसहितको उत्सुकता प्रकट गरे । ‘के नेपालले भारतलाई २२९ (रन)मा रोक्न सक्ला ?,’ उनले सामाजिक सञ्जाल फेसबुकमा लेखेका छन्, ‘हाम्रो बलिङ त पहिलेदेखि नै राम्रै हो क्यार !’नेपालले भारतविरुद्ध ४८.२ ओभरमा सबै विकेट गुमाएर २३० रन बनाएर २३१ रनको चुनौती दियो । जवाफी ब्याटिङमा मैदान उत्रिएको अवस्थामा वर्षाका कारण खेल रोकियो । खेल रोकिनुअघि भारतले २.१ ओभरमा विना विकेटको क्षति १७ रान बनाएको थियो ।
पूर्वप्रधानमन्त्री डा. बाबुराम भट्टराईले नेपाल–भारतबीचको खेल हुनुअघि नै सामाजिक सञ्जाल फेसबुकमार्फत भनेका थिए, ‘पूरै ५० ओभर क्रिजमा टिक्ने कोसिस गरौं । पूरै देश र जनता तपाईंहरूको साथमा छ ।’देशका विशिष्ट पदाधिकारीहरूले समेत बढाएको यस्तो हौसलाबीच नेपाली क्रिकेट टिमले पाकिस्तानभन्दा भारतविरुद्ध शानदार ब्याटिङ गरेको हो । बलिङमा भने पुरानो लय देखिएन ।
नेपाली क्रिकेट टिमका पूर्वकप्तान पारस खड्काका अनुसार नेपाली क्रिकेटहरूको भारतविरुद्धको प्रदर्शन सम्झनालायक थियो । उनले अर्धशतक बनाएका आशिफ शेखको प्रशंसा नै गरे । फेसबुकमा उनले लेखेका छन्, ‘ब्रिलियन्ट ५० आशिफ शेख । निड टु किप बिल्डिङ ।’थप दुई रन जोड्न नसक्दा सोमपाल कामी अर्धशतक बनाउनबाट चुके । अन्य खेलाडीको पनि पाकिस्तानसँगको खेलको तुलनामा सुधारिएको प्रदर्शन थियो ।
नेपाली खेलाडीहरूलाई हौसला दिन राष्ट्रिय स्वतन्त्र पार्टी (रास्वपा)का सभापतिसमेत रहेका सांसद रवि लामिछाने, राष्ट्रिय खेलकुद परिषद्का सदस्यसचिव टंकलाल घिसिङलगायत थुप्रै नेपालीहरु श्रीलंकामा पुगेका छन् ।
