काठमाडौं– अभिनेत्री निरूता सिंह विवाह बन्धनमा बाधिएकी छन् । उनले मुम्बईका सञ्जीभ गुलाटीसँग लगनगाँठो कसेकी हुन्।
सिंहले सामाजिक सञ्जाल फेसबुकमा स्टाटस पोष्ट गर्दै गत अगस्ट ३१ मा गुलाटीसँग बिहे गरेको जानकारी दिएकी हुन्।
‘उनले लेखेकी छन्, यतिका वर्षदेखिको एक मात्र प्रश्न, जसको बिना मेरो कुनै पनि अन्तर्वार्ता पूर्ण हुँदैन थियो। त्यो हो ‘निरूता जी बिहे कहिले गर्नेरुु भन्ने प्रश्न। आज त्यसै प्रश्नको जवाफ दिन गइरहेको छु।तपाईंहरूको निरूता सिंहले गत बिहीबार अगष्ट ३१ को दिन मुम्बई निवासी श्री संजीभ गुलाटीसँग लगनगाँठो जोडेको छ। हजुरहरू सम्पूर्णको माया अनि आशीर्वादको अपेक्षा गरेको छु । ’
उनले चाँडै नेपाल आउने समेत बताएकी छन् ।
