काठमाडौं — सहिद स्मारक ‘ए’ डिभिजन लिग फुटबलको शनिबार सम्पन्न खेलमा संकटा क्बलले जित हात पारेको छ भने लिगको शीर्षस्थानमा कब्जा जमाएको नेपाली सेनाको त्रिभुवन आर्मी क्लब न्यूरोड टिम (एनआरटी) विरुद्ध बराबरीमा रोकिएको छ । त्रिपुरेश्वरस्थित दशरथ रंगशालामा सम्पन्न खेलमा संकटा क्बलले फ्रेन्ड्स क्बललाई १–० ले पराजित ग¥यो भने पहिलो खेलमा त्रिभुवन आर्मी क्लब र एनआरटीबीचको खेल गोलरहित बराबरीमा सकियो ।
संकटाका अजयी मार्टिन्सको निर्णायक गोलका मद्दतले संकटाले फ्रेन्ड्स क्लबविरुद्ध ३ अंक हात पारेको हो । पहिलो हाफ गोलरहित बराबरीमा सकिएको खेलमा संकटाले दोस्रो हाफमा गोल गरेको थियो । खेलको ६४ औं मिनेटमा सुवास गुरुङको कर्नरमा अनमार्क रहेका मार्टिन्सले हेड गोल गरेका थिए ।
त्यसअघि पहिलो हाफमा उत्कृष्ट प्रदर्शन गरेको फ्रेन्ड्सले दोस्रो हाफमा उक्त लयलाई कायम राख्न सकेन । दोस्रो हाफमा संकटा हाबी भएको थियो ।
दोस्रो हाफको सुरुवातमै कर्ण लिम्बुको चिप बल पोस्टको नजिकैबाट बाहिरिदा संकटा अग्रता बनाउनबाट चुकेको थियो । यस्तै ८३ औं मिनेटमा अर्नेस्ट टेम्पीको पासमा मार्टिन्स गोल गर्न चुके । वान भर्सेस वानको अवस्थामा उनको प्रहार फ्रेन्ड्सका गोलकिपर देव लिम्बुले उत्कृष्ट बचाउ गरे । खेलको इन्जुरी समयमा मासौके मारीको प्रहार पोस्टमा लागेर फर्कदा संकटा अग्रता दोब्बर बनाउन असफल भएको थियो । खेलमा संकटाका लक्ष्मण रुचाल म्यान अफ दि म्याच चुनिए । जितसँगै संकटाले ८ खेलमा १२ अंक जोडेको छ । र, लिगको सातौं स्थानमा उक्लिएको छ । फ्रेन्ड्सले ८ खेलमा ८ अंक जोडेको छ । फ्रेन्ड्स ११ औं स्थानमा रहेको छ । त्यस्तै पहिलो खेलमा न्युरोड टिम एनआरटी क्लबसँग गोलरहित बराबरीमा रोकिँदै नेपाली सेनाको त्रिभुवन आर्मी क्लबले अंक बाँडेको हो ।
एनआरटीविरुद्ध बल पोजिसनमा पकड जमाएपनि आर्मीले गोल गर्न सकेन । उसका लागि एनआरटीका गोलकिपर अजित प्रजापति बाधक बनेका थिए । आर्मीका पदक पटकको प्रहार उनले उत्कृष्ट बचाऊ गरे । खेलको १६ औं मिनेटमा आर्मीका जर्ज प्रिन्स कार्कीले डिबक्सको ठिक बाहिरबाट हानेको सशक्त प्रहार एनआरटीका गोलकिपर अजित प्रजापतिले उत्कृष्ट बचाउ गरे ।
यस्तै खेलको १७ औं मिनेटमा एनआरटीले पनि गोलको अवसर गुमायो । उसका दर्शन गुरुङले डिबक्स भित्रबाट बाहिर प्रहार गरे । खेलको ८० औं मिनेटमा सुमन अर्यालको हेड बाहिरिएको थियो । खेलको इन्जुरी समयमा जुनियर निकेनगुएले दोहोरो पहेलो कार्डसहित रातो कार्ड पाउँदा एनआरटी १० खेलाडीमा समेटिएको थियो ।
यस्तै इन्जुरी समयमा आर्मीका सन्तोष तामाङको उत्कृष्ट फ्रिकिक पनि अजितले उत्कृष्ट बचाऊ गरे । खेलमा एनआरटीका गोलकिपर अजित प्रजापति म्यान अफ दि म्याच चुनिए । आर्मीले ८ खेलमा १७ अंक जोडेको छ । र, आर्मी दोस्रो स्थानको मछिन्द्र भन्दा १ अंकले अघि रहेको छ । एनआरटीले ८ खेलमा १२ अंक जोडेको छ । एनआरटी पाँचौं स्थानमा रहेको छ ।
-1745656903.jpeg)