काठमाडौं – सहिद स्मारक ‘ए’ डिभिजन लिगको आइतबार सम्पन्न दुई खेलमा न्यूरोड टिम (एनआरटी) र फ्रेन्डस् क्लब विजयी भएका छन् । सातदोबाटोस्थित एन्फा कम्प्लेक्समा सम्पन्न पहिलो खेलमा सशस्त्र प्रहरीको एपीएफलाई ३—२ ले पराजित गर्दै एनआरटीले महत्वपूर्ण ३ अंक जोडेको हो भने दोस्रो खेलमा प्रतियोगिताकै अन्तिम स्थानमा रहेको सरस्वतीविरुद्ध फ्रेन्डस्ले ४—१ गोल अन्तरले नतिजा आप्mनो पक्षमा पार्न सफल भयो ।
बलियो टोली एपीएफविरुद्ध जित दिलाउनका लागि एनआरटीलाई जीत दिलाउन आन्द्रे थेरी, जोर्डन एनडेम्बा र दर्शन गुरुङले एक÷एक गोल गरे । एनआरटीका खेलाडी आन्द्रे थेरीले खेलको २४औँ मिनेटमा पहिलो गोल गरे । खेलमा एक शून्य गोलको अग्रता बनाएको एनआरटी खेलको ४१औँ मिनेटमा एक गोल खान पुग्यो । जसमा एपिएफका आशिष लामाले गोल गरे । खेलको पहिलो हाफसम्म एक एक गोलको बराबरीमा टुङ्गिएको खेल दोस्रो हाफमा भने एनआरटीले दुई गोल थप्दा एपिएफले एक गोल थप्यो । खेलको ५३औँ मिनेटमा एपिएफका आशिष लामाले व्यक्तिगत दुई गोल गर्दै एपिएफलाई २–१ को अग्रता दिलाए । त्यो दुई एक गोलको अग्रता लामो समयसम्म टिक्न सकेन । एनआरटीका खेलाडी जोर्डन एनडेम्बाले खेलको ८०औँ मिनेटमा एक गोल थप्दै खेललाई २–२ गोलको बराबरीमा ल्याए । त्यसपछि एनआरटीका अर्का खेलाडी दर्शन गुरुङले खेलको ८५औँ मिनेटमा एक गोल थपेपछि एनआरटीले एपिएफमाथि ३–२ को जीत हात पा¥यो । जीतसँगै एनआरटी लिगको छैटौँ स्थानमा उक्लिएको छ । एनआरटीले सात खेलमा ११ अङ्क जोडेको छ भने एपिएफले समान सात खेलमा पाँच अङ्क जोडेर लिगको १२औँ स्थानमा रहेको छ ।
त्यस्तै दोस्रो खेलमा फ्रेन्ड्सलाई जित दिलाउन उत्तम राईले दुई गोल गरे । यस्तै साउलो डी अक्विनो र वाग्नेर डो कार्मोले एक एक गोल थपे । सरस्वतीका कजिम बुसारीले एक गोल फर्काए ।
प्रतियोगिताकै कमजोर देखिएको सरस्वतीविरुद्ध फ्रेन्ड्सले पाँचौं मिनेटमा उत्तमको गोलबाट अग्रता बनाएको थियो । ब्राजिलियन खेलाडी कार्मोले डिबक्सभित्र उपलब्ध गराएको बललाई अनमार्क रहेका भारतीय खेलाडी उत्तमले सहजै गोल गरे । खेलको २४ औँ मिनेटमा फ्रेन्ड्सले अग्रता दोब्बर बनायो । ब्राजिलियन फिलिपे डी सौजाको फ्रिकिक पासमा अर्को ब्राजिलियन साउलोले हेड गोल गर्दै फ्रेन्ड्सको अग्रता २–० को बनाए । दोस्रो हाफमा पनि फ्रेन्ड्सले गोलको क्रमलाई निरन्तरता दियो । खेलको ७० औं मिनेटमा उत्तमको पासमा कार्मोले गोल गर्दै फ्रेन्ड्सको अग्रता ३–० को बनाए । लिगमा उनको यो दोस्रो गोल हो ।
८० औं मिनेटमा सरस्वतीका बुसारीले हेड गोल गर्दै खेल ३–१ को स्थितिमा ल्याए । तर, ८६ औं मिनेटमा उत्तमले व्यक्तिगत दोस्रो गोल गर्दै फ्रेन्ड्सलाई ४–१ को सहज जित दिलाए । जारी लिगमा उत्तमको यो तेस्रो गोल हो । सरस्वतीलाई हराएसँगै फ्रेन्ड्सले लिगमा दोस्रो जित निकालेको छ । जितसँगै फ्रेन्ड्सले ७ खेलमा ८ अंक जोडेको छ । फ्रेन्ड्स लिगको नवौं स्थानमा समेत उक्लिएको छ । सरस्वतीको लिगमा यो छैटौं हार हो । लिगको पुछारमा रहेको सरस्वतीले १ अंक जोडेको छ ।
-1745656903.jpeg)