काठमाडाैं -शिरिष फाउण्डेशनले बक्सिङ्ग खेलाडी सुष्मा तामाङ्गलाई सहयोग गर्ने सम्बन्धमा एक कार्यक्रमविच सम्झौता गरेको छ ।
उदियमान खेलाडीहरुलाई हौशला र प्रेरणा प्रदान गर्न सहयोग पुर्याउने उद्धेश्यले ५ वर्ष अगाडी पौडी खेलाडी शिरिष गुरुङ्गको नाममा स्थापना गरिएको शिरिष फाउण्डेशनले बक्सिङ्ग खेलाडी सुष्मा तामाङ्गलाई सहयोग गर्ने सम्वन्धमा आइतबार एक कार्यक्रमबीच समझौता गरेको हाे ।
सम्झौता पत्रमा फाउण्डेशनका तर्फबाट कोषाध्यक्ष एवं शिरिषका माता सपना गुरुङ्ग र खेलाडी सुष्मा तामाङले हस्ताक्षर गर्नुका साथै संझौता पत्र आदान प्रदान गरेका छन् ।
सम्झौता पत्रका अनुसार फाउण्डेशनले सुष्मालाई प्रतियोगितामा सहभागी हुँदा आवश्यक खेलपोशाक उपलब्ध गराउने, उक्त पोशाकमा फाउण्डेशनले तेश्रो पक्षको लोगो भएको पोशाक समेत उपलब्ध गराउन सक्ने, प्रशिक्षण तथा प्रतियोगिताको दौरान घाईते भएको अवश्थामा अन्य तेश्रो पक्ष वा अस्पताल संग संझौता गरि उपचारको ब्यवस्था गर्ने, हौशलाका लागि मासिक १५ हजार उपलब्ध गराउने उल्लेख गरेकाे छ ।
यस्तै अन्तरराष्ट्रिय प्रतियोगितामा सहभागी हुँदा आवश्यक खेल सामाग्री उपलब्ध गराउने, प्रतियोगितामा सहभागी हुँदा निर्दिष्ट पोशाक मात्र (राष्ट्रिय खेलकुद र अन्तराष्ट्रिय प्रतियोगितामा बाहेक) प्रयोग गर्ने, उत्कृष्ठ खेल प्रदर्शन गरेमा विशेष पुरस्कारको ब्यवस्था गर्ने, खेलकुदको मर्यादा तथा अनुशासनको पालना गर्ने र विपरितको कार्य गरेमा सम्झौता भंग ब्यहोरा रहेको छ ।
साथै सम्झौता हाललाई १ बर्षका लागि कायम रहने र उत्कृष्ठ खेल प्रदर्शन गरेको खण्डमा दुवै पक्षको सहमतीमा करार अवधि थप गर्न सकिने जनाइएकाे छ । कार्यक्रममा बोल्दै सुष्माले खेलाडी शिरिषले आफु जस्तै उदियमान खेलाडीहरुलाई हौशला तथा प्रेरणा प्रदान गर्ने उद्धेश्यले जुन कार्य गरेका छन् त्यसले खेलाडीहरुको मनोबल बढ्नुका साथै खेलको स्तर बृद्धि गर्न सहयोग पुग्ने बिश्वास ब्यक्त गर्दै फाउण्डेशनलाई धन्यवाद प्रदान गरिन् ।
यस अघि फाउण्डेशनले उसुकी साग स्वर्ण पदकधारी निमा तामाङसँग सम्झौता गरेको थियो ।
-1745656903.jpeg)
