काठमाडौं-इंग्लिस क्लब म्यानचेस्टर युनाईटेडले डच प्रशिक्षक एरिक टेन ह्यागलाई मुख्य प्रशिक्षक नियुक्त गर्ने पक्का भएको छ । युनाईटेडले डच क्लब आयाक्सका मुख्य प्रशिक्षक रहेका एरिकलाई नियुक्त गर्ने पक्का भएको अन्तराष्ट्रिय संचारमाध्यमले जनाएका छन् ।
५२ वर्षीय प्रशिक्षक एरिकले युनाईटेडसँग सहमति गरेको बताईएको छ । तर, औपचारिक रुपमा युनाईटेडले केहि बताएको छैन । ओले गन सोल्सारलाई बर्खास्त गरेपछि युनाईटेड पनि मुख्य प्रशिक्षक विहीन रहेको छ । अहिले युनाईटेडले अन्तरिम प्रशिक्षक राल्फ राङनिकको नेतृत्वमा खेलिरहेको छ ।
