काठमाडाैं - खेलकुद क्षेत्रमा नेपालकै सबैभन्दा पुरानो संस्था नेपाल ब्यायाम मन्दिरले आयोजना गर्ने १६ औँ धर्मश्रीका बिजेताले नगद १० लाख प्राप्त गर्ने भएका छन् ।
राजधानीस्थित यलो पकोडा होटलमा आयोजित पत्रकार सम्मेलनमा ब्यायाम मन्दिरका अध्यक्ष नारायण प्रधानले उक्त जानकारी गराएका हुन् ।
खेलकुदको क्षेत्रमा ब्यक्तिगत विधा तर्फको यो नै सर्वाधिक पुरस्कार रासी रहेको पत्रकार सम्मेलनमा संस्थाले जानकारी गराए । यस अघिको संस्करणमा पुरस्कार रासी ५ लाख रहेको थियो ।
२०१० मा स्थापित ब्यायाम मन्दिरले संस्थापक एवं सहिद धर्मभक्त माथेमाको सम्मानमा २०४२ साल देखि धर्मश्री प्रतियोगिताको आयोजना गर्दै आईरहेको छ । पहिलो र दोश्रो संस्करणमा तौल समूहको आधारमा प्रतियोगिता गर्दै आईरहेकोमा तेश्रो संस्करणबाट प्रत्येक तौल समूहका विजयी खेलाडीहरुको अन्तिम प्रतिस्पर्धामा विजयीलाई धर्मश्री बिजेताको रुपमा पुरस्कृत र सम्मान गर्ने परम्पराको थालनी भएको हो ।
शारिरीक सुगठनको ईतिहासमा नै अति नै प्रतिष्ठित प्रतियोगिता रहेको धर्मश्रीमा १६ औँ संस्करणमा नयाँ विधालाई पनि थप गरिएको छ । जसमा महिला तथा पुरुष फिजिक्स विधालाई थप गरिएको जनाएकाे छ।
२०७९ वैशाख २३ र २४ गते कमलादीस्थित प्रज्ञा प्रतिष्ठानमा आयोजना हुने प्रतियोगिताको ‘प्रि–जजिङ राउन्ड’ वैशाख २३ गते हुने आयोजकले जनाएकाे छ । आयोजका अनुसार फाइनल चरणका खेल वैशाख २४ गते हुनेछ । प्रतियोगितामा ५५, ६०, ६५, ७०, ७५, ८० र ८० भन्दामाथि केजीतौल समूहमा ४ सय खेलाडीहरुले प्रतिस्पर्धा गर्नेछन् ।
प्रत्येक विधामा प्रथम स्थान हासिल गर्ने खेलाडीहरुको विचमा अन्तिम प्रतिस्पर्धा गराई बिजयी हुनेलाई धर्मश्रीको उपाधी सहित सम्मान गरिने छ । प्रतियोगिातको विजेताले १० लाख, उपविजेताले पाँचलाख, तेस्रो हुनेले दुई लाख पुरस्कार पाउनेछन् ।
यसैगरी प्रतियोगितामा चौथो हुने खेलाडीले एक लाख ५० हजार, पाँचौले एक लाख, छैटौँले ९० हाजार र सातौं हुनेले ८० हजार रुपियाँ पुरस्कार प्राप्त गर्ने जनाइएकाे छ ।
प्रत्येक तौल समूहका उपविजेतालाई ४० हजार र तेस्रोलाई २५ हजार रुपियाँ प्रदान गरिनेछ । महिला फिजिक्स तर्फको विजेतालाई दुई लाख, उपविजेतालाई एक लाख र तेस्रो हुनेलाई ५० हजार रुपियाँ पुरस्कार प्रदान गरिने बताईएको छ । प्रतियोगिता सम्पन्न गर्न ९० लाख रुपियाँ खर्च हुने आयोजकले जनाएको छ ।
महिला तथा पुरुष ह्याण्डबल प्रतियोगिता आयोजना हुने
महिला शसक्तिकरणका लागि सहयात्र, राष्ट्रिय प्रतियोगितामा महिला खेलाडी सहभागिता बृद्धि अभियान अन्तरगत बैशाख ३ गते टेलिकम कप राष्ट्रिय खुला महिला ह्याण्डबल प्रतियोगिता आयोजना हुने भएको छ ।
संघले प्रेश बिज्ञप्ती जारी गर्दै २०७९ बैशाख ३ देखि ६ गते सम्म बुढानिलकण्ठ नगरपालिकाको वडा नं. ८ गोल्फुटार खेल मैदानमा प्रतियोगिता आयोजना गर्न लागेको जानकारी गराएको हो । नेपाल ह्याण्डबल संघको आयोजनामा हुने प्रतियोगितालाई नेपाल टेलिकमको मुख्य प्रायोजन गर्ने भएको छ ।
यस्तै यस्तै उदपुर जिल्लाको बेलका नगरपालिकामा राष्ट्रिय खुला पुरुष ह्याण्डबल प्रतियोगिता हुने भएको छ । २०७८ चैत्र २१ देखि २४ गते सम्म आयोजना हुने प्रतियोगितालाई बेलका नगरपालिकाको मुख्य प्रायोजन हुने समेत संघका महासचिव सन्देश रेग्मीद्वारा हस्ताक्षरित बिज्ञप्तीमा जनाइएको छ ।
प्रतियोगितामा प्रदेश १ र दुई देखि बाहेकका प्रदेश र विभागिय टोलीमा नेपाली सेना र सशस्त्र प्रहरीबलको एपिएफ क्लबले सहभागिता जनाउने समेत महासचिव रेग्मीले जानकारी गराए ।
