पोखरा – कास्की जिल्ला टेनिस सङ्घको आयोजनामा पोखरामा सोमबारदेखि ‘आइटिएफ गल्र्स/ब्वाइज यू–१८ वल्र्ड ¥याङ्किङ टेनिस टुर जे–५ सर्किट–२’ का खेलहरु सुरु भएका छन् । टेनिस खेलको सर्वोच्च नियमनकारी निकाय अन्तर्राष्ट्रिय टेनिस महासङ्घसँगको सहकार्यमा जिल्ला टेनिस सङ्घले पोखरा रङ्गशालास्थित टेनिस कम्प्लेक्समा आयोजना गरेको सर्किट–१ को सम्मानपछि आजदेखि सर्किट–२ सुरु भएको हो ।
पहिलो दिनको खेलमा महिला तथा पुरुष दुवैतर्फ एकलतर्फ २० र डबल्सतर्फ चार खेल सम्पन्न भएकामा नेपाली खेलाडीहरुले मिश्रित प्रदर्शन गरेका छन् । पुरुषतर्फ नेपालका शीर्ष वरियताका खेलाडी आरभ सम्राट हाडा तथा महिलातर्फ दोस्रो वरियताका सलोनी तामाङ र सुभाङ्गी लक्ष्मी राणाले एकलतर्फ जीत निकाल्न सफल भए । आरभले भारतका आर्या भट्टाचार्यलाई ६–३ र ६–४ को सोझो सेटमा पराजित गर्नुभयो भने सलोनीले भारतका सोहनी सञ्जय मोहनीलाई टाइब्रेकरमा ६–०, (६–७) र ६–१ ले पराजित गर्दा सुभाङ्गीले बेल्जियमका मिया क्रेस्तेवालाई टाइब्रेकरमा ४–६, ६–२ र ६–३ ले पराजित गरिन् ।
एकलतर्फको २० खेलबाट महिला र पुरुषतर्फ आठ÷आठजना गरी १६ नेपाली खेलाडी पराजित हुँदै प्रतियोगिताबाट बाहिरिएका छन् ।
सर्किट–२ मा नेपालसहित ११ देशका महिला र पुरुष गरी ८८ खेलाडीको सहभागिता रहेको आइटिएफ प्रतियोगिता निर्देशक अजय विष्टले जानकारी दिनुभयो । प्रतियोगिता यही मङ्सिर २५ गतेसम्म सञ्चालन हुनेछ । विजेता खेलाडीले स्वर्ण र रजत पदक प्राप्त गर्नेछन् भने प्रत्येक खेलमा विजयी भएपश्चात् अन्तर्राष्ट्रिय टेनिस महासङ्घ (आइटिएफ) बाट र्याङ्किङ (अङ्क) प्राप्त गर्ने कास्की जिल्ला टेनिस सङ्घका अध्यक्ष लोक गुरुङले जानकारी दिए । खेलाडीहरुले अङ्कका लागि प्रतिस्पर्धा गर्नेछन् । प्रतियोगिताबाट प्राप्त अङ्कबाट खेलाडीको वरियता तय हुने बताइन्छ ।
-1745656903.jpeg)