काठमाडौं – प्रदेश नं. १ लाई पराजित गर्दै गण्डकी प्रदेशले वाई–वाई यु–१९ पुरुष राष्ट्रिय क्रिकेट प्रतियोगिताको सम्भावना कायमै राखेको छ । त्रिभुवन विश्वविद्यालयको क्रिकेट मैदानमा बिहीबार प्रदेश १ लाई १ विकेटले पराजित गर्दै गण्डकीले फाइनलको सम्भावना कायमै राखेको हो । गण्डकीले ६ मध्ये ३ खेल जित्दै ६ अंकसहित तालिकको तेस्रो स्थानमा उक्लिएको छ । ६ मध्ये ५ खेल जित्दै फाइनल प्रवेश गरिसकेको लुम्बिनीको १० अंक छ ।
यता ५ मध्ये ३ खेल जितेको सुदुरपश्चिम प्रदेशले ६ अंक जोडेपनि नेट रनरेटका आधारमा दोस्रो स्थानमा रहेको छ । सुदुरपश्चिमले शुक्रबार बागमती प्रदेशविरुद्ध खेल्नेछ र यही खेलको नतिजाले गण्डकी र सुदुरपश्चिमको आगामी यात्राको टुंगो लगाउनेछ । गण्डकीसँग पराजित भएको प्रदेश १ ले पनि ६ मध्ये ३ खेल जित्दै ६ अंक जोडेपनि रनरेटका आधारमा गण्डकी प्रदेशपछि चौथो स्थानमा झरेको छ । तेस्रो खेल जित्न प्रदेश १ ले दिएको १ सय ३४ रनको लक्ष्य गण्डकीले ३८ ओभरमा ९ विकेट गुमाएर पुरा ग¥यो । गण्डकीलाई जित दिलाउन अर्जून कुमालले सर्वाधिक ३५ रन जोड्दा दिपक डुम्रेले ३३ रन बनाए । मिलन क्षेत्रीले २४ रनको योगदान गरे ।
प्रदेश १ का दिपेश कँडेलले सर्वाधिक ४ विकेट हात पारे । लभ कामतले ३ तथा अभिनय राजवंशी र श्रवन किस्कुले एक–एक विकेट लिए । यस अघि टस जितेर पहिले ब्याटिङ गर्ने निर्णय गरेको प्रदेश १ ले ४४ दशमलब ४ ओभरमा सबै विकेट गुमाउदै १ सय ३३ रन जोडेको थियो । प्रदेश १ का लागि दिपेश कँडेलले सर्वाधिक ४६ रन जोडे । दिपेशले १ सय १३ बल खेल्दै चार चौका र एक छक्का हिर्काएका थिए । दिपक जोशी १६ तथा विवेक आनन्द मेहता १४ रनमा आउट भए । गण्डकीका लागि कमल परियारले सर्वाधिक ३ विकेट हात पारे । सुदिप अर्यालले २ तथा किरण पौडेल, सुवास भण्डारी र विष्णु पाण्डेले एक–एक विकेट लिए ।
कर्णाली प्रदेश विजयी
कर्णाली प्रदेश, प्रदेश नं २ लाई पराजित गर्दै १९ वर्षमुनि (यु–१९) पुरुष राष्ट्रिय क्रिकेट प्रतियोगितामा विजयी भएको छ । मूलपानी क्रिकेट मैदानमा बिहीबार भएको खेलमा कर्णालीले प्रदेश नं २ लाई दुई विकेटले पराजित गरेको हो । यसअघि लुम्बिनी प्रदेशलाई १४० रनको फराकिलो अन्तरले पराजित गरेको कर्णाली त्यसपछि लगातार चार खेलमा पराजित हुदैँ प्रतियोगिताबाट बाहिरिएको थियो । प्रदेश नं २ को पनि फाइनल खेल्ने सम्भावना समाप्त भएको छ । खेलमा ४६ रनको विजयी लक्ष्य पछ्याएको कर्णालीले १३ दशमलव ३ ओभरमा ८ विकेट गुमाएर लक्ष्य पूरा ग¥यो । कर्णालीको जितमा प्रकाश जैसीले सर्वाधिक १६ रन जोडे । राज शाहले ६, विपीन रावलले ५ तथा रमेश बुढाले ३ रन बनाए ।
बलिङतर्फ प्रदेश २ का राजेश यादवले सर्वाधिक ६ विकेट लिनुभयो । विवेक यादवले २ विकेट लिए । त्यसअघि टस जितेर ब्याटिङ थालेको प्रदेश २ ले १३ दशमलब ४ ओभरमा सबै विकेट गुमाउँदै मात्र ४५ रन बनायो । प्रदेश २ का लागि सन्नी साहले सर्वाधिक १२ रन जोडे । सन्तोष कार्कीले ११ रन बनाए । पाँच खेलाडी शून्यमै आउट भए । कर्णालीका प्रकाश जैसी एक्लैले ८ विकेट लिए भने अनुज चनाराले २ विकेट लिए । सात प्रदेश सम्मितलित प्रतियोगिताका शीर्ष दुई टोली उपाधिका लागि भिड्ने छन् । फाइनल खेल यही मङ्सिर १९ गते हुनेछ । लुम्बिनी ६ खेलमा ५ मा जित र १ मा हारसहित १० अङ्कका साथ शीर्षस्थानमा रहँदै फाइनलमा पुगेको छ । त्यस्तै सुदूरपश्चिम ५ खेलमा ३ मा जित र २ मा हारसहित दोस्रो स्थानमा छ । लिगको अन्तिम खेलमा सुदूरपश्चिमले वाग्मती प्रदेशसँग कीर्तिपुरस्थित त्रिवि क्रिकेट मैदानमा शुक्रबार खेल्नेछ । वाग्मती प्रदेश ५ खेलमा २ मा जित र ३ मा हारसहित ४ अङ्कका साथ चौंथो स्थानमा छ ।
-1752335779.jpg)
