एजेन्सी — विश्व खेलकुदको कुम्भमेला ओलम्पिक खेलकुदमा क्रिकेट खेल समावेश हुने भएको छ । ओलम्पिकमा क्रिकेट सामेल गराउन अन्तराष्ट्रिय क्रिकेट परिषद (आईसीसी) ले पहल थालेको छ । आईसीसीले मंगलबार ओलम्पिकमा क्रिकेट समावेश गराउन पहल थालिएको जनाएको छ ।
सन् २०२८ को ओलम्पिकमा क्रिकेट समावेश गर्ने लक्ष्यसहित तयारी गरिएको आईसीसीले जनाएको छ । २०२८ को ओलम्पिक अमेरिकाको लस एन्जलसमा हुनेछ । आईसीसीका अध्यक्ष ग्रेग बार्कले क्रिकेटलाई ओलम्पिक खेलकुदको एक हिस्साको रूपमा चाहेको बताएका छन् । सर्वप्रथम आईसीसीको तर्फबाट कठिन परिस्थितिमा अविश्वसनीय खेल आयोजनाका लागि आईओसी र टोकियो ओलम्पिक र जापानका जनतालाई बधाई दिन चाहन्छु,’ बार्कले भनेका छन्, ’यो साच्चै सानदार थियो । भविष्यमा हामी क्रिकेट एक हिस्सा बन्न चाहन्छौं ।’ पछिल्लो पटक सन् १९०० को पेरिस ओलम्पिकमा क्रिकेट समावेश गरिएको थियो । त्यसपछि ओलम्पिकमा क्रिकेट समावेश गरिएको छैन ।
-1745656903.jpeg)