अस्मितालाई साईकल सहयोग

समाचार

Home
समाचार
अस्मितालाई साईकल सहयोग

अस्मितालाई साईकल सहयोग

IMG_20180209_170044

नेपालगञ्ज/९ बर्ष अघि दिवंगत बासकी पूर्ब केन्द्रीय सदस्य रुक्मिणी शाहको जन्मदिनमा बासले एक छात्रालाई साईकल सहयोग हस्तान्तरण गरेकोछ । बासद्धारा नेपालगञ्जमा माघ २६ गते आयोजित सहयोग हस्तान्तरण कार्यक्रममा उक्त सहयोग हस्तान्तरण गरिएको हो । बासले स्थापना गरेको रुक्मिणी स्मृती अक्षय कोषका तर्फबाट नेपालगञ्ज स्थित हिमालय साईकल हाउसको सहकार्यमा उक्त सहयोग हस्तान्तरण गरिएको हो । भेरी बिद्या ईङ्गलिस मिडियम स्कुल, एअरपोर्ट, राँझामा कक्षा ५ अध्ययनरत छात्रा अस्मिता थापालाई उक्त सहयोग हस्तान्तरण गरिएको हो । शाहकी मुवा रमादेबि शाह, बासका कानुनी सल्लाहकार केशव कोईराला र हिमालय साईकल हाउसका प्रोपराईटर मेराज अहमद हल्वाईले संयुक्त रुपमा छात्रा अस्मिता, उनकी आमा डिला थापालाई संयुक्त रुपमा साईकल हस्तान्तरण गरेका थिए । नेपालगञ्ज—२० नयाँबस्ति निवासी डिला आर्थिक अवस्था कमजोर भएकि महिला हुन् । श्रीमानले अर्काे बिवाह गरि २ बर्ष अघि भारत गएपछि उनी एकल रुपमा जीवन यापन गरिरहेकि छिन् । १ छोरा र १ छोरीकी आमा डिला घरखर्चको जोहो गर्न इट्टा, मसाला बोक्ने, मजदुरी गर्ने गर्दछिन् । छोरा र छोरीलाई उक्त बिद्यालयमा पढाउँदै आएकि डिलाको आर्थिक अवस्था कमजोर भएको थाहा पाएपछि बिद्यालयले अस्मितालाई निःशुल्क रुपमा पढाईरहेकोछ । बिद्यालयबाट ५ किलो मिटर टाढा घर भएकि अस्मिता हरेक दिन १ घण्टाको बाटो हिँडेर बिद्यालय जाने गर्छिन् । पठन-पाठन गर्न सहज होस् भन्ने हेतुले साईकल सहयोग गरिएको हो । साईकल हस्तान्तरण कार्यक्रममा बिद्यालयकी शिक्षिका सुमित्रा बरालले बासबाट भएको सहयोगको प्रशंसा गरिन् । उनले बिद्यालयका तर्फबाट ७० जना बिद्यार्थीलाई निःशुल्क पढाईरहेको बताईन् । साईकल सहयोगबाट पठन—पाठनमा सहज हुने बिश्वास उनले व्यक्त गरिन् । सहयोग पाएपछि छात्रा अस्मिता र उनकी आमा डिला थापाले खुसी व्यक्त गरे । अस्मिताले भनिन्—यो सहयोगले मलाई पठन—पाठनमा धेरै सजिलो हुनेछ । कार्यक्रममा बासका कार्यकारी निर्देशक तथा रुक्मिणीका दाजु नमस्कार शाहले पूर्ब केन्द्रीय सदस्य शाहको बारेमा बोल्दै उनको सम्झनामा बिभिन्न सामाजिक कार्यहरु गरिरहेको बताए । बासका अध्यक्ष मन भण्डारीले सञ्चालन गरेको कार्यक्रममा बासका पदाधिकारी, सदस्य, कर्मचारी तथा स्वयंसेवकहरुको सहभागिता थियो । कार्यक्रममा शाहको सम्झनामा एक मिनेट मौनधारण गरिएको थियो भने शाहको तस्विरमा अविर अर्पण गरिएको थियो ।

जेहन्दार छात्रा अस्मिता थापालाई साईकलको चापी प्रदान गर्दै अतिथीहरु माथी । साईकल पाईसकेपछि बोल्दै छात्रा अस्मिता र साईकल हस्तान्तरण गर्दै अतिथीहरु तल ।