मुगु - मुगुको कपास उद्योगले उत्पादन गरेको वस्तुले बजार नपाउँदा उद्योगमै थन्किएका छन् ।उद्योगमै थन्किएका कपासका वस्तुले बजार नपाउँदा कामदारहरुले पनि दशैँकाे मुखमा ज्याला पाउन सकेका छनन् ।
मुगु जिल्लाको सोरुगाँउपालीका वडा नम्बर ८ तारापानिमा रहेको कर्णालीको पहिलो परिवर्तनशिल साना किसान सहकारी संस्थामार्फत सञ्चालन भएको कपास उद्योगबाट निमार्ण गरीएका तयारी कपडाका गुनियु, पटुका, मफलर, कोट, दोसल्ला, डसना, तकिया, सिरानी, दैरासुरुवाल, कोट गर्ने कपडा र कपासको तेल बिक्री नहुँदा उद्योगमा काम गर्ने कामदारले ज्याला नपाउका साथैं लाखै मूल्य बराबरका कपासबाट निमार्ण भएका तयारी कपडाहरु थन्किएका छन् ।
मुगुको सोरुगाँउपालिका कच्र्चे, तारापानि, सिप, बुम्च, कालै धेन, भिई, नाथर्पु, जिमाका कृषकहरुले उत्पादन गरेको कपास खरीद गरी परिवर्तनशिल साना किसान सहकारी सस्थाका अनुसार उत्पादन गरेका गुनियु, पटुका, मफलर, कोट, दोसल्ला, डसना,तगीया,सिरानि,दैरासुरुवाल गर्ने कपडा र कपासको १० लिटर तेल ,कपासका दाना १५ क्यान्टल गरी १५,१६ लाख भन्दा बढीको सामान थन्किएको छ ।
जिल्लाकै एक मात्र कपास उद्योगलाई जिल्लामा रहेका कुनै पनि स्थानिय तहहरुले सहयोगसाथ नगरेको र बजारीकरणको अभावले लगानी थन्किएको परिवर्तनशिल साना किसान सहकारी सस्था अध्क्षय पदम बहादुर मल्लले बताएका छन् ।
''स्थानिय स्तरबाट उत्पादन गरिएको कपास उद्योगमा पहिला पहिला कामको आधारमा बाट सेवा पाईयो पछिल्लो समयमा धेरै कपडाका सामानहरु निमार्ण गरेका छौं ।'' तयार गरेका सामानहरु बिक्री नभएपछि अहिले उद्योगमा काम गर्ने हामी आधा दर्जन भन्दा बढी कर्मचारी तथा कामदारले २,३ महिना यता तलब सेवा नपाएको गुनासो कामदार गोरीकला सावलले बताएकी छन् ।
सामान बिक्री नभए पछि हामीहरुले पाउर्ने सेवा पनि समयमा पाउन गारो हुर्ने अबस्था आएको कपास उद्योगमा काम गर्ने सोरुगाँउापलिका ८ का बर्ष ५८का सिथिलाल चौलागाईले बताएका छन् । उनले भने ,'' रोजीरोटी घर खर्च बालबच्चा पढाई खर्च जोहो गर्न भारतका गल्ली गल्ली र विदेशमा नेपाली युवाहरु दैनिक सयैजना नेपाल भन्दा बाहिर जाने गरेका छन् । गाँउ घरमा कपास उद्योग सञ्चालनमा आउदा निकै खुसी लागेकाे छ । बिहान बेलुका घरतिरको काम गर्न सकिने र दिनमा उद्योगमा काम गर्दै आएको थियाेँ । पछिल्लो समयमा उद्योगबाट लाखै मुल्यका सामानहरु उत्पादन गरिए पनि बजारको ब्यावस्था नहुँदा लाखै मूल्यको तयारी सामान उद्योगको गोदाममा थन्किएका छन् । कहिले बिक्री हुने हो । चिन्ता लागेको छ ।''
लोपमुलक रैथानि कपास खेती तथा उद्योगलाई कसरी नियमित सञ्चालन गर्ने गुणस्तर वस्तु उत्पादन तथा बजारीकरणको विषयमा उद्योगसँग सहकार्य गरी अघि बढ्ने सोरु गाँउपालिकाका उपाध्क्षय केशर बहादुर शाहीले बताएका छन्। कपास उद्योग बाट तयार गरिएका केही सामानहरु पालिकाले प्रयोग तथा सहयोग गर्दै आएकाे उनले बताए । उनका अनुसार उद्योगमा ५ ,६ जना कामदार लगाउनु ठूलो कुरा होईन पालिकाभरी रहेका कृषकहरुको उत्पादन गरेको कपास कसरी उद्योगले प्रयोग गर्ने र कृषकहरुलाई उद्योगसँग कसरी जोड्ने भन्ने मुख्य कुरा हाे ।
