नेपालगंज÷आकर्षक शालिकको शहर हो नेपालगञ्ज । कुनै बेला धेरै र आकर्षक शालिककै कारण नेपालगञ्ज सबैको आकर्षणको केन्द्रबिन्दु थियो । अहिले तिनै शालिकहरु नेपालगञ्जवासीका लागि तनावको बिषय बन्ने गरेका छन् ।
जनआन्दोलन ०६२÷६३ पूर्ब नेपालगञ्जमा ८ वटा शालिक थिए, पुष्पलालचौकमा पुष्पलालको, बीरेन्द्र चौकमा पूर्व राजा बीरेन्द्रको, बी.पि.चौकमा बी.पि.को, त्रिभुवचौकमा त्रिभुवनको, महेन्द्रपार्क र भेरी अञ्चल अस्पताल परिसर भित्र पूर्व राजा महेन्द्र र रानी रत्नको अर्ध कदका दुई÷दुईवटा शालिक थिए । न्यूरोडमा पूर्बराजा ज्ञानेन्द्रको शालिक राख्नका लागि अन्तिम तयारी गरिसकिएको थियो । जनआन्दोलन–२ का क्रमा महेन्द्रपार्क भित्र रहेका महेन्द्र, रत्नका शालिकसँगै सडकमा रहेका त्रिभुवन र बीरेन्द्रको शालिक भत्काईयो । बढि बलियो भएका कारण भेरी अञ्चल अस्पताल परिसर भित्र रहेका महेन्द्र, रत्नको शालिक बाहेक राजा, रजौटाका शालिकको निशाना समेत नरहने गरि भत्काईयो । तत्पश्चात ति शालिक भएका ठाउँमा विवादका कारण कसैको शालिक राखिएन, न त चौककै नाम परिवर्तन
भयो । बिबाद निरुपणका लागि राष्ट्रिय झण्डा ति चौकहरुमा गाडिएको थियो ।
करिव १० बर्ष पछि बीरेन्द्रचौकमा पूर्व राजा वीरेन्द्रको शालिक अचानक राष्ट्रवादी युवा शक्तिले बिहीबारस्थापना गरेपछि नेपालगञ्ज तनावग्रस्त बन्यो । नेपालगञ्जवासी र दलहरु पक्ष र बिपक्षमा बिभाजित भए ।
जानकारी अनुसार राष्ट्रवादी युवा शक्ति नामक संस्थाले बिहीबार एक दशकपछि पूर्व राजाको शालिक चौकमा राखेको थियो । उक्त स्थानमा राष्ट्रिय झण्डा फहराउने प्रहरीलाई जानकारी गराएको लगत्तैसयौंको संख्यामा उपस्थित भएका युवाहरुलेबोरामा हालेर ट्याक्टरमा ल्याएको पूर्ब राजा ज्ञानेन्द्रको शालिक चौकमा राखेका थिए । झण्डा राख्ने भनेर जानकारी दिई झुक्काएर बिहान ९ बजेतिर ८७ किलो तौलको ढलोटबाट निर्मित अर्धकधको शालिक राखेपछि प्रहरीले हस्तक्षेप गरी तत्कालै हटाउन खोजेको थियो । तर, स्थिति तनावग्रस्त भएपछि हटाइएको थिएन । भीड हटाउन प्रहरीले दुई पटक लाठीचार्ज गरेको थियो । झडपका क्रममा आधा दर्जन घाईते भएका थिए । उक्त घटना लगत्तै उक्त क्षेत्रमा सुरक्षा व्यवस्था कडा पारिएको थियो ।
राप्रपा नेपाल, शिवसेना र राजतन्त्रपक्षधर संस्थामा आवद्ध युवाहरुको सक्रियतामा सम्पन्न उक्त शालिक अनावरणका क्रममा युवाहरुले ‘राजा आउ देश बचाउ’ भन्दै नाराबाजीसमेत गरेका थिए भने म हुँ राष्ट्रवादी, खवरदार दिन गनेर बस् राष्ट्रघाती लेखिएका टिसर्ट लगाएका सयौं युवाहरु त्यहाँ जम्मा भएका थिए ।
शालिक राखिएपश्चात नेपालगञ्ज पक्ष, विपक्षमा तात्तियो, राजतन्त्र पक्षधर र अधिकाँश सर्बसाधारण शालिक राखिएकोमा खुसी देखिए भने ठूला दलका जिल्ला नेताहरु आक्रोशित बने र बिपक्षमा उभिए । एमाले, काँग्रेश र नेकपा माओवादी केन्द्रका नगर प्रमुखहरुले बिज्ञप्ती प्रकाशन गरि शालिक तत्काल हटाउन स्थानीय प्रशासनलाई अल्टिमेटम दिए । शालिक पक्षधर भने कुनैपनि वेला शालिक हटाउन सक्ने भन्दै वीरेन्द्रचौकमैं जम्मा भएर बसे । ठूलादलहरुका आग्रहमा स्थानीय प्रशासनले विहिवारनैं सर्वपक्षिय बैठक राख्यो । दिउसो ३ बजे शुरु भएको बैठक बेलुकी अवेर सम्म चल्यो । बैठकमा शालिक पक्षधर राप्रपा नेपालबाट स्थानीय शान्ति समितिको संयोजक बनेका तेजबिक्रम शाह बाहेक अन्य ठूला दलका नेताहरुले शालिक तत्काल हटाउनुपर्ने धारणा राखे । अन्ततः प्रशासन शालिक हटाउने निर्णयमा पूग्यो ।
बिहिवार बिहान देखि राती सम्म ठूलो संख्यामा सुरक्षाकर्मी र शालिक पक्षधर युवाहरुको उक्त ठाउँमा भिंड थियो । । अन्ततः शालिक राखेको २४ घण्टा नबित्दै प्रहरीले बिहीबार रातीनैं हटाएको छ ।
सर्वदलीय बैठकले सालिक हटाउने निर्णय गरेपछि प्रहरीले मध्यरातमा सालिक हटाएको हो । उक्त शालिक हटाउँदा पनि दोहोरो झडप भएको थियो । सो क्रममा प्रहरीले आधा दर्जन बढिलाई नियन्त्रणमा लिएको थियो । झण्डा राख्ने भनेर झुक्याएर सालिक राखिएको र त्यसले तनाब उत्पन्न भएपछि सर्वदलीय बैठकको निर्णय अनुरुप प्रहरीले झिकेर राखिएको बाँकेका प्रहरी उपरीक्षक टेकप्रसाद राईले जानकारी दिए ।
उक्त चोकमा रहेको वीरेन्द्रको पूर्ण कदको सालिक ०६२÷०६३ को जनआन्दोलनताका भत्काइएको
थियो । खाली चोकमा कसको सालिक राख्ने भन्नेमा दलहरु विभाजित भएपछि राष्ट्रिय झण्डा गाडिएको थियो । बाँकेका प्रमुख जिल्ला अधिकारी रबीलाल पन्थले सरकारले शालिक राख्ने निर्णय नगरेकाले हटाईएकोे बताए । अव के गर्ने भन्ने सन्दर्भमा सरकारको निर्णय बमोजिम हुनेछ–उनले भने ।
शालिक राख्न अग्रसर भएकाहरु शालिक हटाएपछि आक्रोशित बनेका छन् । बिना प्रचार परिपक्क तरिकाले प्रहरीलाई भुक्काएर शालिक राख्न सफल भएका उनीहरुबाट पुष्पलाल, वीपि र सेतु बि.क.को शालिक माथि खतरा भएको महसुस गर्दै ति शालिक सुरक्षाका लागि सुरक्षा सर्तकता बढाईएको छ ।
