नेपालगन्ज । भाद्र २१ ।
बास नेपालगन्जको आयोजनामा भाद्र २३ गते हुन लागेको एकल तिज नृत्य प्रतियोगिता को तयारी अन्तिम चरणमा पुगेको बासले जनाएको छ ।
महिलाहरुको महान पर्ब हरितालिका तिजको अवसरमा सो प्रतियोगिता गर्न लागेको बासले जनाएको छ । हरेक बर्ष तिजको अवसरमा विभिन्न सचेतनामुलक कार्यक्रम गर्दै आएको बासले यो बर्ष पनि तिको अवसरमा कार्यक्रम गर्न थालेको हो । बासले दिएको जानकारी अनुसार शनिवारका दिन नेपालगन्ज स्थित बिनायक गेष्ठ हाउसमा तिज उत्सब तथा खुल्ला एकल तिज नृत्य प्रतियोगिता गर्ने कार्यक्रम रहेको छ भने सोही कार्यक्रमका बिच सचेतना मुलक साहित्य प्रश्तुती तथा प्रहशनहरु समेत प्रश्तुत गरिने कार्यक्रम छ ।
कार्यक्रम आउन एक दिन मात्रै बाकि रहदा कार्यक्रमको अन्तिम तयारीमा रहेको तिज उत्सब तथा खुल्ला एकल तिज नृत्य प्रतियोगिता मुल समिति संयोजक लुना बुढाथोकीले बताईन् । कार्यक्रममा आई तिजको शुभकामना आदान प्रदान गर्न समेत बासले सम्पूर्ण साधारण सदस्य लगायत सबैमा अनुरोध गरेको छ ।
प्रकाशित मिति: बिहीबार, भदौ २१, २०७५ १०:३९
