नेपालगन्ज ।
नेपालगन्ज उपमहानगरपालिका वडा नं. १० वडा स्तरीय वाल क्लब संजालले वडा भित्रका सबै बिद्यालयहरुमा वाल क्लब समिति गठनको कार्यलाई तिब्रता दिएको छ ।
यसैगरी वडा स्तरीय वाल क्लब सञ्जालको अगुवाईमा भाद्र १८ गते वडाको न्यू ग्यालेक्सी स्कुलमा वाल क्लब गठन गरिएको छ । गठित समिति वडा स्तरीय बाल क्लब सञ्जालका अध्यक्ष ऋतिक शाहीको अध्यक्षतामा सम्पन्न भएको थियो । बिद्यालयका विभिन्न कक्षाहरुमा अध्ययनरत ३४ जना बिद्यार्थीहरुको सहभागिता रहेको भेलाले शिब संकर शुक्लाको अध्यक्षतामा १३ सदस्सीय बिद्यालय स्तरीय बाल क्लब गठन गरेको छ । गठित समितिको उपाध्यक्ष, सचिब, सह–सचिब र कोषाध्यक्षमा क्रमशः संसोधिका गुरुङ्ग, बिशाल सिंह, बबिक्षी जि.सी. र सनम शाही चयन भएका छन् । यसैगरी सदस्यहरुमा उत्तम कार्की, सन्दीप बर्मा, अक्रम कुरेसी, रोहित बर्मा, सलिना कार्की, उसा कुमाल, राजा पाण्डे र भाग्यलक्ष्मी सिंह चयन भएका छन् । यसैगरी नबगठित समितिले मासिक रुपमा नियमित बैठक गर्ने समेत निर्णय गरेको वडा स्तरीय बाल क्लब सञ्जालका अध्यक्ष ऋतिक शाहीले बताए । समिति गठन कार्यक्रममा नगर स्तरीय बाल क्लब सञ्जालकी अध्यक्ष अन्जना चुर्तबेदीको समेत उपस्थिती रहेको थियो ।
