नेपालगन्ज ।
बाँकेको जानकी गाँउपालिकाको प्रमुख प्रशासकिय अधिकृतमा लोक बहादुर सुनारले जिम्मेवारी सम्हालेका छन् ।
यसअघि शाखा अधिकृतस्तरको दरवन्दी रहँदै आएको सो पदमा उपसचिव स्तरको दरवन्दी सिर्जना भएपछि नयाँ अधिकृतको रुपमा सुनारले जिम्मेवारी सम्हालेका हुन । यसैबिच आईतबार सरुवा भई आएका प्रमुख प्रशासकिय अधिकृत सुनारलाई गाँउपालिकाले कार्यालयमा स्वागत गरिएको छ । गाउँपालिका कार्यालयमा एक कार्यक्रमका बिच अध्यक्ष रामनिवास यादव, उपाध्यक्ष भूमिसरा धिताल, कार्यपालिका सदस्य र कर्मचारीहरुले उनको स्वागत गरेका थिए ।
बर्दियाको ठाकुरवावा नगरपालिकाबाट सरुवा भएर प्रमुख प्रशासकीय अधिकृत को रुपमा जानकी गाउँपालिकामा आएका सुनारले यस अघि नेपालगन्ज उपमहानगरपालिकाको कार्यकारी अधिकृत भएर काम गरिसकेका छन् ।
प्रकाशित मिति: सोमबार, भदौ ४, २०७५ ०५:१८
