बाँके/बाँके जिल्लाको सबैभन्दा हरियाली बनजँगल भएको क्षेत्र राप्तीसोनारीमा छ भने सबै भन्दा कम बन क्षेत्र जानकि गाउँपालिकामा छ । जिल्ला बन कार्यालय बाँकेको तथ्याँक अनुसार, नेपालगञ्ज उपमहानगरपालिका र खजुरा गाउँपालिका पनि बन कम भएको क्षेत्र हो । यो अवस्थालाई महसुस गर्दै जिल्ला बन कार्यालयले बन कम भएको क्षेत्रमा हरियाली प्रबद्र्धन गर्न बृक्षारोपणलाई व्यापकता दिने भएकोछ ।
जिल्ला बन कार्यालय बाँकेको आयोजना र बासको सहजिकरणमा असार ३० गते नेपालगञ्जमा आयोजित बृक्ष सुधार, बृक्षारोपण तथा निजी बन कार्यक्रमको बार्षिक सार्वजनिक सुनुवाई कार्र्यक्रममा हरियाली प्रबद्र्धन गर्नका लागि बृक्षारोपणलाई व्यापकता दिने प्रतिबद्धता जनाईएको हो ।
कार्यक्रमको अन्तमा जारी गरिएका अन्य प्रतिबद्धताहरुमा निजि बनलाई प्रबद्र्धन र व्यवस्थित गर्ने, नेपालगञ्जको सुर्खेतरोडमा स्थानीय तहको समन्वयमा बृक्षारोपण व्यापक रुपमा गर्ने र बृक्ष सुधार, बक्षारोपण, तथा निजि बन कार्यक्रमलाई थप बिस्तार गर्ने रहेकाछन् ।
प्रतिबद्धताहरुमा जिल्ला बन अधिकृत ईश्वरी प्रसाद पौडेल, प्रदेश नम्बर ५ का प्रदेश सभा सदस्य मो. याकुव अन्सारी, जिल्ला समन्वय समितिका संयोजक अजय श्रीबास्तव, निजि बन सरोकार सँघ नेपालका अध्यक्ष मोहन रिजाल, कम्दि बन क्षेत्र संरक्षण समन्वय समिति कम्दिका संयोजक कर्ण बहादुर बि.क.ले हस्ताक्षर गरेका छन् ।
बासका कार्यकारी निर्देशक नमस्कार शाहले सहजिकरण गरेको कार्यक्रममा स्वागत बासका अध्यक्ष मन भण्डारीले गरेका थिए । बृक्ष सुधार, बक्षारोपण, तथा निजि बन कार्यक्रम अन्र्तगत यस आर्थिक बर्षमा भए, गरेका कार्यहरु बारे जिल्ला बन कार्यालय बाँकेका सहायक बन अधिकृत टेक नेपालीलले जानकारी गराएका थिए । कार्यक्रम अन्र्तगत यस आ.ब.मा निजि बन प्रबद्र्धनका बिभिन्न कार्यक्रमहरु सञ्चालन गरिएको थियो ।
कार्यक्रममा बोल्दै प्रदेश सभा सभासद मो. याकुव अन्सारीले हरियाली प्रबद्र्धन गर्नका लागि सबैले घर आगनमा बिरुवा रोप्नुपर्ने बताए । जब सबैले बिरुवा रोप्छन्, हरियाली आफै हुन्छ, त्यसका लागि सरकारले दुःख गर्नै पर्दैन—याकुवले भने ।
यसैगरी कार्यक्रममा बोल्दै जिल्ला समन्वय समिति बाँकेका संयोजक अजय श्रीबास्तवले बाँकेका धेरै बनहरुमा बन अतिक्रमण भईरहेको बताए ।
कार्यक्रममा निजि बन सरोकार सँघ नेपालका अध्यक्ष मोहन रिजालले निजि बन प्रबद्र्धनका लागि सरकारले बिभेदकारी नीति अवलम्बन गरेको गुनासो गरे । उनले सरकार सामुदायिक बन र राष्ट्रिय बनलाई संरक्षण सम्बद्र्धन गर्न लागेता पनि निजि बनलाई उपेक्षा गरेको गुनासो पोखे ।
कार्यक्रमका सहभागि कम्दि बन क्षेत्र संरक्षण समन्वय समिति कम्दिका संयोजक कर्ण बहादुर बि.क.ले लालपूर्जा नभएका तर भोगचलन गर्दै आएको जग्गामा निजि बन खोल्न पाउनु पर्ने बताए । कार्यक्रमका अर्का सहभागि जँग बहादुर गुरुँगले सबै मूल सडकहरुको छेउछाउमा बिरुवा रोप्नुपर्ने बताए ।
कार्यक्रमका सहभागिहरुका जिज्ञाशाहरुलाई सम्बोधन गर्दै जिल्ला बन कार्यालय बाँकेका प्रमुख जिल्ला बन अधिकृत ईश्वरी प्रसाद पौडेलले जिल्ला बन कार्यालय अव डिभिजन बन कार्यालयमा रुपान्तरण भई कार्य गर्ने बताए । उनले हरियाली प्रबद्र्धन, बन अतिक्रमण नियन्त्रण लगाएतका कार्यमा जिल्ला बन कार्यालय सक्रियताका साथ लागिरहेको बताए ।
